اسلام آباد 23 جون (اے پي پي) د وزيراعظم د موسمياتي بدلون سلاكار ملك امين اسلم نامتو خبريال سهېل وړائچ سره د حلقې د بېلا بېلو يونين كونسلو دوره وكړه٬ د وزيراعظم سلاكار صحت كارډونه تقسيم كړل او په موقع ئې د اولس د ستونزو حل كولو احكامات جاري كړل۔ د تفصيلاتو له مخې د وزيراعظم سلاكار ملك امين اسلم په اټك كښې د خپلې حلقې اېن اے 55 اولس ته په خپله وېنا كښې ووئيل چې صحت كارډونه غريب اولس لپاره د عمران خان تحفه ده۔ د دې نه وړاندې به هم حكومتونه جوړېدل خو چا د غريبانو خيال نه دې ساتلې۔ ده ووئيل چې د تېر وخت واكمنو كرپشن ته پام كړے و خو د وزيراعظم عمران خان زياتې پروژې اولس او د عام وګړي خېر ښېګړې لپاره دي۔ ده په دې موقع سهېل وړائچ سره يو ځائ مستحق كسانو ته صحت كارډونه وركړل۔ د دې څخه وړاندې خپلې حلقې ته په راتګ د ملك امين اسلم او د سهېل وړائچ تود هركلې وكړے شو۔
