اسلام آباد۔17ستمبر (اے پی پی) قائم مقام صدر سید یوسف رضا گیلانی مخیر حضرات اتے بین الاقوامی ڈونر تنظیماں تے زور ݙتے جو او اڳوں آون اتے چھل توں متاثرہ علاقیاں خصوصی طور جنوبی پنجاب اچ امداد ݙیون۔ ایوان صدر دے پریس ونگ توں جاری بیان موجب قائم مقام صدر مملکت نال سابق وفاقی وزیر اتے سینئر سیاستدان سینیٹر رانا ثناءاللہ خان بدھ کوں ایوان صدر اچ ملاقات کیتی۔ سینیٹر بݨݨ دے بعد اے انہاں دی پہلی ملاقات ہئی۔ ملک دی ساری سیاسی اتے امن و امان دی صورتحال تے ڳالھ مہاڑ تھئی۔ انہاں ویلھے سر مدد دی اہمیت تے زور ݙتا تاںجو اے یقینی بݨایا ونج سڳے جو مدد انہاں لوکاں تئیں پڄے جنہاں کوں ایں دی سب توں ودھ لوڑھ اے۔ بعد اچ قائم مقام صدر نال پاکستان پیپلز پارٹی دے مرکزی سیکرٹری جنرل اتے خیبر پختونخوا دے سابق وزیر خزانہ ہمایوں خان ملاقات کیتی جنہاں انہاں کوں پارٹی دی صورتحال تے بریفنگ ݙتی۔
