اسلام آباد 03 اګست (اے پي پي) پاكستان تحريك انصاف د ګوند چيئرمېن عمران خان د عائلي ژوند په اړه په ګمراه كوونكې پروپېګنډه نجم سېټهي عدالت ته د وړلو پرېكړه وكړه٬ سينئر قانون دان بابر اعوان ته د نجم سېټھي په بيان د تفصيلي مشورې نه پس د 10 اربه روپو د هرجانې دعويٰ دائر كولو هدايت وكړے شو۔ د تحريك انصاف د اطلاعاتو مركزي څانګې لخوا جاري شوي بيان له مخې د پاكستان تحريك انصاف چيئرمېن په هدايت ډاكټر بابر اعوان د سپكاوي دعويٰ تياره كړې۔ ډاكټر بابر اعوان وئيلي دي چې په جعلي خبرونو به نرمي نه شي كولې۔ ده ووئيل چې د ګوند چيئرمېن د عائلي ژوند په اړه شرم ناك دعويٰ شوې۔ په ټي وي به د قانون او اخلاقو د خلاف ورزې او د خلقو د بې عزتې مخ نېوې كول وي۔ هيله ده چې موصوف به د تيښتې په ځائ په عدالت كښې د خپلې بې بنسټه دعوې دفاع لپاره وړاندې شي۔
