اسلام آباد 17 فروري(اے پي پي) د سعودي ولي عهد شهزادہ محمد بن سلمان وزیراعظم هاؤس ته په رارسېدو تود هركلې وشو۔ په دې موقع د ولي عهد په درناوي كښې په باضابطه توګه د استقباليې دستوره هم وشوه او سعودي ولي عهد ته په وزيراعظم هاٶس كښې ګارډ آف آنر وړاندې كړې شو۔ سعودي ولي عهد شهزادہ محمد بن سلمان وزیراعظم عمران خان سره د هوائي مېدان نه وزیراعظم هاؤس ته راورسېد۔ په دې موقع د وسله وال ځواكونو يوې چټك ډلې ګران مېلمه ته ګارډ آف آنر وړاندې كړو۔ د دواړو هېوادونو قامي سرودونه هم وغږولې شول۔ شهزاده محمد بن سلمان د ګارډ آف آنر معائنه وكړه او د دې نه پس وزیراعظم عمران خان خپلې كابينې سره معرفي كړو۔ د سعودي ولي عهد هم خپلې كابينې او د پلاوي غړي وزيراعظم عمران خان سره معرفي كړل۔ شهزاده محمد بن سلمان په دې موقع د وزيراعظم هاٶس په لان كښې يادګاري بوټې هم نال كړو
