اسلام آباد۔14مارچ (اے پی پی) وزیراعظم محمد شہبازشریف آکھیا جو پاکستان دے قطر نال برادرانہ تعلقات ہن۔ پاکستان اتے قطر وچال مختلف شعبیاں اچ تعاون کوں ٻیا مستحکم ٻݨاوݨ دی صلاحیت موجود اے۔اے ڳالھیں انہاں پاکستان اچ قطر دے سفیر علی مبارک علی عیسیٰ الخطر نال ڳالھ مہاڑ کریندیں ہوئیں آکھی جنہاں خمیس وکں انہاں نال ملاقات کیتی۔ وزیراعظم آفس دے میڈیا ونگ ولوں جاری بیان موجب وزیراعظم قطر دے امیر شیخ تمیم بن حمد الثانی، نائب امیر شیخ عبداللہ بن حمد الثانی اتے وزیراعظم شیخ محمد بن عبدالرحمن بن جاسم الثانی دا آپݨے وزیر اعظم دے انتخاب تے تہنیتی سنیھے ٻھجواوݨ تے شکریہ ادا کیتا۔
