اسلام آباد 04 جولائی (اے پي پي)پاكستان به سږ كال اكتوبر كښې د شنګهائي مرستې تنظيم(اېس سي او)د حكومتي مشرانو غونډې كوربتوب كوي٬اكتوبر كښې كېدونكې سر مشريزې غونډې څخه وړاندې به يو وزارتي غونډه او د اعلٰی چارواكو څو ميټنګز كېږي چې پكښې به د اېس سي او غړو هېوادونو ترمينځه مالي٬اقتصادي٬سماجي٬كلتوري او بشري مرستې ته پام كولې شي۔دا خبره د خارجه دفتر وياندې ممتاز زهره بلوچ د زيارت په ورځ پرېس بريفنګ كښې وكړه ۔دې ووئيل كال 2024 د پاكستان او اېس سي او اړيكو لپاره يو مهم سنګ ميل دے ځكه چې پاكستان سره اېس سي او كونسل آف هيډز آف ګورنمنټ (سي اېچ جي)ګردشي چيئرمېن شپ دے٬كوم چې د اېس سي او دوهم اعلٰی ترين فيصله ساز فورم دے۔په دې حېثيت كښې پاكستان سږ كال اكتوبر كښې د شنګهائي مرستې تنظيم د مشرانو غونډې كوربتوب كوي۔وياندې ووئيل وزيراعظم محمد شهباز شريف به نن اېس سي او پلس سمټ ته خطاب هم كوي٬وزيراعظم به مهمو سيمه ايزو او نړيوالو مسئلو په ره د پاكستان نقطه نظر وړاندې كوي۔دې ووئيل وزيراعظم محمد شهباز شريف آستانه كښې د شنګهائي مرستې تنظيم كونسل آف هيډز آف سټيټ او اېس سي او پلس دوو مشرانو غونډو كښې ګډون لپاره په قازقستان كښې دے۔نائب وزيراعظم او خارجه وزير محمد اسحاق ډار او د كابينې نور سينئر غړي او اعلٰی سركاري افسران هم د هغه سره دي۔وياندې ووئيل د شنګهائي مرستې تنظيم مشرانو كونسل په غونډه كښې به وزيراعظم مهم سيمه ايز او نړيوالو مسئلو د پاكستان نقطه نظر بيانوي او دا اهميت به مخې ته كوي چې پاكستان شنګهائي مرستې تنظيم غړو هېوادونو سره سيمه ايز روابط او مرستې ته ډېر اهميت وركوي۔وياندې ووئيل وزيراعظم محمد شهباز شريف تېره ورځ د آذربائيجان صدر الهام حېدر عليوف او د تركيې صدر رجب طيب ايردوان سره آستانه كښې د شنګهائي مرستې تنظيم مشرانو غونډې په موقع وړومبے پاكستان-آذربائيجان٬تركيې درې اړخيزه مشرانو غونډه كښې ګډون وكړو۔دې ووئيل درې واړو لارښودو د تجارت٬توان٬سېلګرۍ٬كلتور٬تعليم٬ټېكنالوجۍ٬صحت خيال ساتل او ماحولياتي مرستې غوندې څانګو ته پام كولو سره درې اړخيزه مرستې زياتولو له د عزم پخلے وكړو۔دې ووئيل د مشرانو دا غونډه د خارجه وزيرانو٬پارليماني سپيكرانو او دفاعي چارواكو په كچه درې اړخيزه مشاورت نه پس كېږي
