اسلام آباد 23 نومبر (اے پی پی)د پاكستان په دوره راغلي د كعبې امام الشېخ ډاكتر صالح بن حميد سره د مركزي رويت هلال كمېټۍ چيئرمېن مولانا سيد محمد عبدالخبير آزاد ملاقات كړے دے چې پكښې د امت په وحدت او اتحاد او د شريكې خوښې په چارو د خيالات څرګندونه شوی۔په دې موقع د سعودي سفير نواف بن سعيد المالكي٬مولانا شمس الحق٬ډاكټر ظفر الله جان او نور هم موجود وو۔مولانا سيد محمد عبدالخبير آزاد په خبرو كښې ووئېل د كعبې امام الشېخ ډاكټر صالح بن حميد پاكستان ته راتلل زمونږ لپاره او زمونږ د قام لپاره د عزت او د وياړ خبره ده٬د سعودي عرب او پاكستان اړيكې د هماليه نه دنګې دي٬سعودي عرب په سخت وخت كښې د پاكستان د زړه نه ملګرتيا كړې او په دې ورته مونږ سلام كوو۔ده ووئېل سعودي ولي عهد محمد بن سلمان عرب ليګ او او آئي سي كنفرنس كښې د غزه فلسطين په اړه چې كوم جرات مندانه دريځ وړاندې كړے هغه د ټولې اسلامي نړۍ ترجماني ده٬ ده ووئېل هغه چې كومه اعلاميه حاري كړی چې د غزه محاصره دې ختمه كړی شي ٬ جنګ بندي دې وكړی شي او دا ظلم او ستم كوم چې د غزه په مسلمانانو كېږي هغه دې ختم كړے شي د نړۍ هېوادونو ته د اعلان د لارې د وسلې بندولو چې كومه خبره شوی د هغې هركلے كوو۔دغسې مولانا سيد محمد عبدالخبير آزاد د پاكستان عظيمه بيانيه پېغام پاكستان د كعبې امام الشېخ ډاكټر صالح بن حميد ته وړاندې كړه ٬ د پېغام پاكستان ستائنه كولو سره د كعبې امام ووئېل پاكستان او سعودي عرب يو روح دوه وجودونه دي۔ده ووئيل د علماﺀ كردار په ټولنه كښې د اهميت وړ دے٬په آخر كښې د كعبه امام فضيلته الشېخ ډاكټر صالح بن حميد د مولانا سيد محمد عبدالخبير آزاد اد امت اتحاد ٬وحدت او رويت هلال په اړه شپه او ورځ خذمات وستائېل او ووئېل يې چې د هغه والد(ارواښاد)مولانا ډاكټر سيد محمد عبدالقادر آزاد اسلامي وحدت لپاره عظيم خذمات تر سره كړي ٬ نن تاسو سره په ملاقات كولو راته ستاسو د والد يادونه راتازه شوي ۔په آخر كښې د امت وحدت٬اتحاد د ٬فلسطين او غزه بې ګناه مسلمانانو لپاره خاص دعاګانې وكړې شوې
