اسلام آباد – 06 – فيبروري (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته وزيراعظم محمد شهباز شريف پاڪستان ۾ وڪي پيڊيا تان پابندي فوري طور تي هٽائڻ جا حڪم ڏيندي آءِ ٽي واري وفاقي وزير جي سربراهي ۾ 5 رڪني ڪميٽي پڻ جوڙي ڇڏي آهي. پنهنجي ٽوئيٽ ۾ اطلاعات واري وفاقي وزير مريم اورنگزيب چيو ته ڪميٽي ۾ قانون وارو وفاقي وزير، اطلاعات واري وزير، واپار وارو وزير ۽ مواصلات وارو وزير به شامل آهن. هن چيو ته آن لائين مواد کي اڃان ڏٺو ويندو.
