ملتان ۔27جنوری(اے پی پی) خارجه وزير شاه محمود قرېشي وئيلي دي د افغان حكومت ٬امريكا او طالبانو يو مېز ته راوستل او مذاكرات كول د يو ګاونډي او خېر خواه په توګه دا زمونږ فرض وو او مونږ خپل كردار ترسره كړې دې۔ پاكساني وګړو 17 كاله د افغانيانو مېلمستيا او خذمت كړې۔ زمونږ كله هم دا اراده نه وه او نه شته چې مونږ دې ددوئي په داخلي چارو كښې لاس وهنه وكړو۔ خارجه وزير ووئيل د پاكستان او امريكا اړيكې دمعمول ترمخه كولو كښې به كامياب شؤ۔ ده ووئيل د عمران خان حكومت كومه سودا بازي كولو له راغلې نه دے۔ مونږ د پاكستان د ګټو نه وړاندې سودا كړې او نه به ئې وكړو۔ هند سره به د اوبو په مسئله هم خبرې وشي۔ ده ووئيل مونږ په دې پوهه يوو چې امن جنګ سره نه راځي۔ ټول عمري مونږ هم دا دريځ خپل كړې او نړۍ هم ددې تائيد كړې دې۔ د يوې پوښتنې په ځواب كښې ده ووئيل په پبلک اکاونټس کمېټۍ مونږ ضد نه كوو چې ددې چيئرمېن دې زمونږ وي۔ ده ووئيل په مركز كښې غواړو چې د مخالفې ډلې چيئرمېن دې وي ولې په سندھ كښې نه۔ زمونږ مخې ته دوه لارې وې يوه دا چې ډېډلاك په ځائې وساتو ولې مونږ دغه لاره خپله نه كړه۔ ده ووئيل زه به مخالفې ډلې ته ووايم چې هغه خپل دريځ وړاندې كړي ولې ايوان كښې دې شور نه كوي ولې چې دې سره ستاسو دريځ هم نه پاتې كېږي او عزت هم نه زياتېږي۔
