پېنډۍ 02 اپرېل (اے پي پي) د پوځ سرلښكر جنرال قمر جاوېد باجوه وئيلي دي پاکستان په ترهګرۍ قابو موندلو سره استحكام ترلاسه كوي٬ د وسلې استعمال يوازې د رياست استحقاق دے٬ سماجی او اقتصادي پرمختګ ته اوليت ترلاسه دے۔ د آئي اېس پي آر له مخې د نهې په ورځ د پوځ سرلښكر جنرال قمر جاوېد باجوہ په مشرۍ كښې د كور كمانډرانو 220مه كنفرنس د پوځ په مركزي دفتر پېنډۍ كښې اوشو۔ په كور كمانډرز كنفرنس كښې په جيو ستراتېژك ماحول او د هېواد د ختيزو پولو په موجوده صورتحال غور اوشو۔ كنفرنس كښې ګډون كوونكو هېواد كښې د امن او استحكام لپاره د هلو ځلو روانو ساتلو د عزم پخلي كولو سره ووئيل منطقه كښې د امن د هلو ځلو ملاتړ به روان ساتلې شي۔ په كوركمانډرز كنفرنس كښې ګډون كوٶنكو د هېواد دفاع لپاره بيا د خپل عزم څرګندونې سره ووئيل د هر ډول جارحيت به په بشپړه توګه ځواب وركولې شي۔ د پوځ سرلښكر جنرال قمر جاوېد باجوه ووئيل په ترهګرۍ قابو موندلو سره استحكام ترلاسه كوٶنكې پاكستان په مثبت توګه مخ په وړاندې تګ كوونكې داسې رياست دے چرته چې د وسلې استعمال يوازې د رياست استحقاق دے او سماجی او اقتصادي پرمختګ ته اوليت ترلاسه دے
