اسلام آباد 23 جنوري (اے پي پي) صدر ډاکټر عارف علوي په پاکستان كښې د قدرتي وسائلو د زياتوالي حواله وركولو سره وئيلي دي د موسمياتي بدلون چېلنج مخنيوي لپاره نوې زرعي ټېكنالوجي او موثره فېصله سازي ضروري ده۔ د نهې په ورځ د انسټي ټيوټ آف ريجنل سټډيز تر سېوري لاندې د “موسمياتي بحران په موضوع رېجنل ډائيلاګ 2024 كښې خپلو افتتاحي خبرو كښې صدر مملکت ووئيل پاكستان د اوبو٬ د تجديد وړ توان صلاحيت او نور بلها وسائل لري خو پاكستان له په دې پرېكړو عملدرآمد او مطابقت پېدا كولو ته اړتيا ده۔ ده د پخوانيو سفيرانو٬ د تعليم پوهانو او د محقيقينو اجتماع ته ووئيل پاكستان نزدې 150 مېليونه اېكړه فټ اوبه لري كومې چې د سپرې او ډرپ اريكېشن جديد زرعي تكنيكس به خپلولو او د اوبه خور روايتي طريقې بدلولو په صورت د هېواد ضرورتونه ترسره كولو لپاره كافي دي۔ په قامي آبي پاليسۍ او د نور اړوندو قوانينو په نفاذ زور رواړلو سره ده ووئيل پرائسنګ مېكنزم هم د اوبو د بچت سبب جوړېدے شي۔ ده ووئيل په كراچۍ كښې هره ورځ نزدې 400 مېليونه ګېلن اوبه د سېورېج د لارې سمندر ته ځي كوم چې يو جرم دے۔ ده د مچي مارو لخوا د ممنوعه جالونو په كارولو هم رڼا واچوله چې په سبب ئې د سمندري حيات غټ زيان كېږي۔ ده ووئيل د بېلا بېلو وجوهاتو په سب اروپا د پاكستان څخه د كبانو د درآمد اجازه نه وركوي۔ صدر مملکت د هالېنډ مثال وركړو كوم چې د پاكستان د حجم څخه 19 چنده وړوكے هېواد دے او د پاكستان غوندې اوبه هم نه لري خو نړۍ ته د خوراك وركولو درېم لوئې هېواد دے۔ ده زياته كړه چې دغسې وېتنام هم نړيوال معيارونه او تكنيكس په خپلولو د كبانو برآمد نزدې 10 بېليونه ډالرو ته رسولے۔ ده تحقيقي کارونه په ترسره كولو كښې د تهنك ټېنكس د كردار ستائنه وكړه خو په دوي ئې زور رواړو چې ھغوي دې د خپلو مصنوعاتو ماركيټنګ وكړي ۔ ده ووئيل د نړۍ نظام د مفاداتو په اساس چلېږي٬ چې انساني قدرونه ئې تر ټولو زيات ښكار دي۔ د دې نه وړاندې د آئي آر اېس صدر ايمبيسيډر نديم رياض خپلو تعارفي خبرو وړاندې كښې ووئيل سيمه ايزې خبرې اترې د ادارې كلن فلېګ شپ ون يونټ دے چې پكښې پاكستان او بهرني سفيران٬ پاليسي ساز٬ محقيقين او نړيوال شراكتدار رابللے شي او انسټيټيوټ ته د 42 قامي او نړيوالو شراكتدارو مرسته ترلاسه ده۔
