اسلام آباد 03 ستمبر(اے پی پی)د سندھ نوموړي سرجن ډاكټر مرلي دهر وئېلي دي د شرابو په څښكلو د ځيګر فيل كېدو پشمول بېلا بېلې نورې ناروغۍ رامخې ته كېږي٬ په كال 2019 كښې د شرابو څښكلو له امله 2.6 ملين كسان مړه شوي۔ورلډ هېلت آرګنائزېشن د 2020 نه تر 2030 د شرابو څښكلو له امله د زيان كمېدو منصوبه جوړه كړې٬نوموړي سرجن ډاكټر مرلي دهر اے پي پي سره په خپلو خبرو كښې ووئيل په اوسنو كښې د شرابو څښكلو په وجه د ځيګر رنځ زيات شوے ٬الكحل كښې ايتهنول وي كوم چې زهرجنه ماده ده او دې سره په دماغو هم اثر پريوځي او وګړي په نشه راوړي۔ده ووئيل په 2019 كښې د يو كال په مهال په نړۍ كښې 2.6 ملين كسان د شرابو څښكلو له امله مړه شوي چې پكښې دوه ملين نارينه او 0.6 ملين مېرمنې شاملې دي۔په نړۍ كښې په 400 ملين كسانو كښې يعني د 15 كاله يا د دې څخه د زيات عمر كسانو شمېره 7 فيصد ده او د الكحل / شرابو څښكلو په وجه په مختلف رنځونو اخته دي۔ ده ووئېل په دې اړه په وګړو كښې بېداري پیدا كولو ته اړتيا ده دغسې چې دوي خپل حفاظت وكړي۔د ايتهنول نشه زيان رسونكې ده ۔ډاكټر مرلي دهر ووئيل د 2020 نه تر 2030 د شرابو څښكلو له امله د زيان كمولو يوه منصوبه جوړه كړې شوې ۔ده ووئيل د شرابو څښكلو په نتيجه كښې د ځېګر درې قسمه ناروغۍ راپېدا كېږي وړومبۍ فيټې ليور٬دوهم هيپاټائټس او درېم سرپوسس ده۔ده ووئيل ځيګر د انسان د بدن تر ټولو مهمه برخه ده چې كله ځيګر متاثره شي نو ژوند ختمېږي۔ده ووئيل سرموسس او هيپاټائټس په علاماتو كښې د وزن كمے ٬د بدن كمزوري٬تبه٬خوب كښې كمے او په بدن كښې د وينې نښې او بې هوشي شامله ده ۔ده ووئيل د ځيګر د خرابېدو درملنه ټرانسپلانټېشن دے كوم چې ګران علاج دے بايد مونږ په دې اړه احتياط وكړو
