اسلام آباد 06 ستمبر (اے پي پي) د وزيراعظم يوتھ پروګرام چيئرمېن رانا مشهود احمد خان وئيلي دي په پاك پوځ ټول قام وياړ لري٬ په 6م ستمبر كال 1965 كښې د پاكستان وسله والو ځواكونو دښمن ته په كره ځواب وركولو سره د جرات او بهادرۍ عظيم داستانونه رقم كړي٬ د دفاع ورځ په موقع بري، بحري او فضائيه ځواكونو ته قام سلام كوي ۔ د دفاع ورځ په موقع خپل پېغام كښې رانا مشهود احمد ووئيل د پاكستان وسله والو ځواكونو د لږو وسائلو سره په مړانه دښمن ته ماتې وركړې او د جرات او بهادرۍ عظيم داستانونه ئې رقم كړي٬ مونږ ټول خپلو ځوانونو سره اوږه په اوږه د اودرېدو د لوظ تجديد كوٶ۔ ده ووئيل خوږ هېواد نن هم ترهګرۍ سره مخ دے ٬ په نننۍ ورځ مونږ مورني هېواد لپاره د قربانۍ لوظ تازه كوٶ۔ ده ووئيل مونږ ټول د وسله والو ځواكونو د قربانيو احسان مند يو٬ نننۍ ورځ د كورنيو او بهرنيو سازشونو څخه د هېواد دفاع له د عزم ورځ ده، د دفاع ورځ د پاكستان د ناقابل تسخير جوړولو د عزم ورځ ده٬ افواج پاکستان زنده باد۔ پاکستان پائنده باد۔
