اسلام آباد۔11اگست(اے پی پی) صدر مملکت آصف علی زرداری آکھیے ہر پاکستانی کوں مذہب، ذات، رنگ یا نسل دی تفریق دے بغیر اپݨے عقیدے موجب زندگی گزارݨ دا حق اے ، قائداعظم محمد علی جناح دے اقلیتاں د?? حقوق اتے مذہبی آزادیاں دے تحفظ سانڳے کیتے ڳئے11 اگست 1947 دے وعدے تے قائم رہݨ دے عزم دا اعادہ کریندوں ۔ صدر مملکت مزید آکھیے میکوں خوشی اے پاکستان اقلیتاں کوں سیاسی، سماجی اتے معاشی طور تے بااختیار بݨاوݨ سانڳے ٻ??وں سارے اقدامات کیتن ۔ ایں سلسلے اچ اساں سرکاری ملازمتاں اچ اقلیتاں سانڳے 5 فیصد کوٹہ مختص کیتے اتے پارلیمنٹ دے ݙوہیں ایواناں اچ نشستاں وی رکھئن تاں جو ملکی سیاسی اتے قومی ترقی دے عمل اچ موثر کردار نبھاوݨ سانڳے اقلیتاں دی حوصلہ افزائی کیتی ونڄ سڳے ۔ ایندے توں انڄ، غریب اتے مستحق لوکاں کوں مالی امداد، شادی سانڳے گرانٹس، اقلیتی برادریاں دے طالبیں کوں تعلیمی وظائف تے انہاں دی عبادت گاہواں دی مرمت، ݙیکھ بھال سانڳے فنڈز ݙیوݨ سانڳے اقدامات کیتے ویندے پئن ۔ صدر مملکت آکھیے پاکستان اپݨی اقلیتاں دے مذہبی، سماجی، سیاسی اتے معاشی حقوق دا تحفظ یقینی بݨاوݨ سانڳے پرعزم اے۔ ہر پاکستانی کوں مذہب، ذات، رنگ یا نسل دی تفریق دے بغیر اپݨے عقیدے موجب زندگی گزارݨ دا حق حاصل اے۔ صدر مملکت آکھیے میں معاشرے دے سارے طبقات بشمول مذہبی اسکالرز، اقلیتی نمائندیں تے میڈیا تے زور ݙینداں او لوکاں کوں اقلیتاں د?? حقوق تے آگاہی ݙیون تے پاکستان کوں ھک ??کڑ?? ملک بݨاوݨ سانڳے بین المذاہب ہم آہنگی، محبت، رواداری، بھرپی تے اتحاد دے جذبے دے ودھارے سانڳے کم کرن ۔صدر آصف علی زرداری آکھیے میں ساریاں اقلیتاں کوں یقین ݙوینداں پاکستان انھاں د?? حقوق دے تحفظ سانڳے ہر ممکن کوشش کریسی تے انھاں کوں زندگی اچ اڳوں ودھݨ سانڳے برابر دا موقع ݙیسی ۔ میکوں یقین اے پاکستان دی اقلیتاں ملکی ترقی سانڳے آپݨا مثبت کردار نبھیندیاں رہسن ۔ صدر مملکت آکھیے میں انہاں کوں انہاں دے خاص ݙینھ دے موقع تے مبارخ ݙینداں ۔ اقلیتاں دے مستقبل سانڳے میݙیاں نیک تمناواں انہاں دے رلے ہن
