اسلام آباد ۔ 2 اکتوبر (اے پي پي) د وزيراعظم وياند نديم افضل چن د تحريك منهاج القرآن مشر ډاکټر طاهر القادي سره په کاناډا كښې ليدلي دي ۔ د ملاقات په مهال نديم افضل چن د ډاکټر طاهر القادري د ديني او تعيلمي خدماتو ستائنه كولو سره ووئيل د عرفان القرآن ژباړنه ٬ قرآنك انسائکلو پيډيا او د ترهګرۍ په ضد د تفصيلي فتوٶ پشمول نور كتابونه تاريخي اهميت لري چې ورسره به يو خوا د نړۍ مسلمانانو ته خبرتيا ترلاسه شي نو بلخوا به نورو مذهبونو سره تعلق لرونكو ته هم د اسلامي تعليماتو په اړه معلومات په لاس ورشي۔ په دې موقع ډاکټر طاهر القادري د هېواد په سياست كښې د نديم افضل چن د فعاله كردار ستائنه كولو سره د پبلك اكاٶنټس كمېټۍ د چيئرمېن په توګه ذمه وارۍ په ښه ډول د تر سره كولو ستائنه وكړه۔ د ملاقات په مهال طاهر القادري د كشمير په مسئله د اوسني حكومت د سپينو خبرو او ملګرو ملتونو كښې د وزيراعظم د وېنا ستائنه وكړه
