اسلام آباد – 04 فيبروري (اي پي پي) سينيٽ جي ميمبرن چيو آهي ته ڪشميرين کي پنهنجي مستقبل جو فيصلو ڪرڻ جو حق گڏيل قومن جي قراردادن ۽ ان جي خواهشن موجب ملڻ گهرجي، ڪشميرين سان گڏ بيٺل آهيون، 9 لک ڀارتي فوج 80 لک معصوم ڪشميرين تي ظلم ڪري رهي آهي، موثر پرڏيهي پاليسي جي ڪري ڪشمير جو مسئلو عالمي سطح تي اجاگر ٿيو آهي، خطي جي سلامتي ڪشمير جي مسئلي سان جڙيل آهي، سيد علي گيلاني سميت سڀني حريت اڳواڻن آزادي جي جدوجهد کي سلام پيش ڪريون ٿا، ڀارتي غير قانوني قبضي هيٺ ڪشمير ۾ گرفتار حريت اڳواڻن جي آزادي لاءِ عالمي تحريڪ هلائي وڃي. سينيٽ جي اجلاس ۾ يوم يڪجهتي جي موقعي تي غير قانوني طور تي ڀارت جي قبضي هيٺ ڄمون ۽ ڪشمير جي تازي صورتحال کي بحث هيٺ آڻڻ جي رٿ تي بحث ۾ حصو وٺندي سينيٽر اعظم نذير تارڙ چيو ته موثر پرڏيهي پاليسي جي ڪري ڪشمير جو مسئلو عالمي سطح تي اجاگر ٿيو آهي، خطي جي سلامتي ڪشمير جي مسئلي سان ڳنڍيل آهي. سينيٽر مولانا عبدالغفور حيدري چيو ته يوم يڪجهتي ڪشمير تي سڄي ملڪ ۾ مظاهرا، ريليون ۽ جلسا ٿيندا، سينيٽر فيصل سبزواري چيو ته ڀارت ڪشميرين تي بيلٽ گنز جي استعمال سميت هر حربو استعمال ڪري رهيو آهي، ڪشميرين کي پنهنجي مستقبل جي فيصلي ڪرڻ جو حق ملڻ گهرجي. ڪشميرين سان ڪلهو ڪلهي ۾ ملائي بيٺل آهيون، سينيٽر طاهر بزنجو چيو ته مضبوط پرڏيهي پاليسي مضبوط معيشت سان جنم وٺندي آهي، سينيٽر اعجاز چوڌري چيو ته 9 لک ڀارتي فوج 80 لک معصوم شهرين تي ظلم ڪري رهي آهي، سيد علي گيلاني جي آزادي جي جدوجهد کي سلام پيش ڪريون ٿا. هن چيو ته اوڀر تيمور کي حق ملي ٿو ته ڪشميرين کي خودمختياري وارو حق ڇو نٿو ملي، سينيٽر حاجي هدايت الله چيو ته ڀارتي غير قانوني قبضي هيٺ ڪشمير ۾ ڀارتي ظلم جي مذمت ڪريون ٿا، ڪشميرين بابت گڏيل قومن جي قراردادن تي عمل ڇو ناهي ٿيو، سينيٽر مشتاق احمد چيو ته ڀارت کي بدترين شڪست ٿي آهي، ڪشمير پاڪستان جو حصو بڻجندو، عالمي سطح تي ڪشمير جو مسئلو وڌيڪ موثر انداز ۾ کنيو وڃي، ان معاملي تي سڄي قوم متحد آهي. والاريل ڪشمير ۾ گرفتار حريت اڳواڻن جي آزادي لاءِ عالمي تحريڪ هلائي وڃي. سينيٽر وليد اقبال چيو ته 9 لک ڀارتي فوج جو ظلم ڪشميرين جي دلين ۾ انقلاب جو شعلو وسائي نه سگهي، عالمي سطح تي مختلف ملڪن تي الزام لڳائي اقتصادي پابنديون لڳايون وينديون آهن، پر ڪشمير جي مسلمانن تي ٿيل ظلم ڪنهن کي نظر ناهن ايندا، سينيٽر فيصل جاويد چيو ته هندو عورت ميمبر ايوان جي اجلاس جي صدارت ڪئي ته جيئن اهو دنيا کي پيغام وڃي ته پاڪستان جو اهو چهرو آهي ته ڪهڙي طرح هتي اقليتن کي حق حاصل آهن، ٻي طرف ڀارت ۾ مسلمانن سميت اقليتن تي ظلم ڪيا پيا وڃن، هن چيو ته ڀارت ۾ بابري مسجدکي شهيد ڪيو ويو آهي، وزيراعظم پاڪستان ڪرتار پور لنگهه جو افتتاح ڪيو آهي، سينيٽر رضا رباني چيو ته هڪ تصوير مان ڀارتي غير قانوني قبضي هيٺ ڪشمير ۾ مزاحمت جو ڪلچر سامهون آيو جنهن ۾ هڪ ٻار پنهنجي ناني جي لاش سان گڏ ويٺل آهي، ڀارتي قبضي هيٺ ڪشمير ۾ ظلم ٿي رهيا آهن، والاريل ڪشمير جي آبادي جو تناسب تبديل ڪرڻ جي ڪوشش ڪئي پئي وڃي، ڀارتي ظلم ۽ بربريت تي عالمي ادارا خاموش آهن، ڀارت کي خطي جو صوبيدار بڻائڻ جي ڪوشش ڪئي پئي وڃي. ملڪ ۾ دهشتگردي جي واقعن ۾ سيڪيورٽي فورسز جي اهلڪارن کي نشانو بڻائڻ جي مذمت ڪريون ٿا، سينيٽر مشاهد حسين سيد چيو ته سينيٽر ڪيشو ٻائي جو ايوان جي اجلاس جي صدارت ڪرڻ خوش آئنده آهي، قبضي هيٺ ڪشمير جي مسئلن تي حڪومت ۽ مخالف ڌر جو هڪجهڙو موقف آهي.
