اسلام آباد 29 اګست (اے پي پي) خارجه وزير شاه محمود قرېشي وئيلي دي د سياسي اختلافاتو باوجود د كشمير په مسئله ټول قام يو موټې دے٬ پاكستان ته په خيرنو سترګو د كتونكو به سترګې اوباسو،(نن) به ګرد هېواد كښې نيم ساعت لپاره كشميريانو سره د يوالي ورځ لمانځلې شي٬ هند دې واوري چې پاكستان چاته ټېټېدونكې نه دے٬ كشميريان تنها نه دي٬ د مقبوضه کشمير پحقله د سلامتي کونسل د قراردادونو تجديد شوې او د كشمير كشالې نړيوال اهميت ترلاسه كړې ۔ د دې خيالاتو څرګندونه ده د زيارت په ورځ سېنېټ كلحئ د مقبوضه کشمير په صورتحال د بحث راغونډولو په مهال كړې۔ شاه محمود قرېشي ووئيل مقصد ترلاسه كولو لپاره مونږ له د يوالي څرګندونه كول دي٬ د پارلمان شريكه غونډه كښې هم په يوه خله قرارداد منظور كړې شوې ٶ٬ د پاکستان دننه او په مقبوضه کشمير كښې د حوصلې فضاء راجوړه شوې ده٬ ده ووئېل د كشمير كشاله د دريو ډلو ترمېنځه ده او پاكستان او كشمير د اګست د 5مې نيټې نه د هند يو اړخيزه او غېر قانوني اقدام رد كړې دې كوم چې د ملګرو ملتونو د قراردادونو او نړيوالو قوانين او د يو اېن چارټر خلاف وزي ده۔ ده ووئېل دې اقدام سره هند كښې نن هم تقسيم تر نظره كېږي او دا د هندي سپريم كورټ هم امتحان دے چا چې په بېلا بېلو پټيشنز نوټس جاري كړې۔ ده ووئيل د آر اېس اېس فلسفه او د هندوانو فشار هم واضح دے خو وړاندې به څه كېږي دا به وخت ښائي۔ ده ووئيل مخالفې ډلې د پاكستانيت ثبوت وركړې ٬ حكومت په يوازې د دې حالاتو مقابله نه شوه كولې٬ د قام په حېث مونږ له وړاندې تګ كول دي۔ ده ووئېل ايوان او قام ته وائم چې د مايوسه كېدو ضرورت نشته ٬ كله چې جذبه عظيمه وي نو 313 هم په مخالفينو بريالي كېږي۔ ده ووئيل مونږ سفارتي ٬ قانوني او سياسي لاره لرو مونږ د چين په مشاورت د سلامتي كونسل غونډه رابللې ٬ خطونه مو هم ليكلي ۔ ده ووئېل د كشمير په كشاله د ملګرو ملتونو 11 قراردادونه موجود دي ٬ هند هم خپله دا متنازعه سيمه تسليم كړې٬ د مودي حماقت سره مونږ ته يو موقع په لاس راغلې اوس مونږ له دې څخه فائده پورته كول دي۔ ده ووئيل په دې لړ كښې (نن) د جمعې په ورځ نيم ساعت لپاره كشميريانو سره د يوالي څرګندونه كېدونكې ده چې پكښې به ټول قام برخه اخلي او دې سره به مونږ نړيوالې ورورولۍ ته دا پېغام وركوٶ چې د پاكستان قام د كشمير په مسئله يو موټې او كشميريانو سره كلك ولاړ دے۔ ده ووئيل مونږ هند ته دا وائيو چې په بېرته غوږونو واوره پاكستان چا ته ټېټېدونكې نه دے٬ كشميريانو ته د اېف اېم د لارې به زمونږ غږ رسېږي۔ خارجه وزير ووئېل ھغوي تنها نه دي٬ مودي د نهرو ٬ ګاندهي او سېكولر هند ښخ كړې ٬ د آر اېس اېس نظريه هلته موجود ده۔ ده ووئيل د ستمبر په 3مه نيټه به د هائيډ پارك څخه د هند تر هائي كمېشن لاريون تاريخ رقم كړي او كشميريان او پاكستان به بريالي شي۔)ګ ل/
