اسلام آباد 16 نومبر (اے پي پي) چېف آف نېول سټاف اېډمرل ظفر محمود عباسي د رومانيه دوره كړې او د دورې په مهال ئې د رومانيه چيف آف ډيفنس سټاف او د رومانيه د نېوي كمانډر سره جلا جلا ملاقاتونه كړي دي۔ د پاك بحريه وياند لخوا د خالي په ورځ جاري شوي بيان له مخې د رومانيه نېول هېډكوراټرز ته په رسېدو د رومانيه د نېوي مشر د پاك بحريه د مشر تود هركلې وكړو۔ امير البحر ته چټك ډلې په روايتي انداز كښې ګارډ آف آنر وړاندے كړو۔ د پاك بحريه وياند له مخې په ملاقاتونو كښې د شريكې خوښې په چارو او په دوه اړخيزه بحري مرسته زياتولو خبرې وشوې۔ د پاك بحريه مشر په منطقه كښې سمندري تحفظ او امن باوري كولو لپاره د پاك بحريه عزم په ډاګه كړو۔ د دې نه پس ده د ډېمن شپ يارډ دوره هم وكړه او د هغه ځائ مېنېجنګ ډائرېكټر سره ئې ملاقات وكړو۔ امير البحر په ډېمن شپ يارډ كښې پاك بحريه لپاره د روانو پروژو د پرمختګ څخه خبر كړے شو۔ د پاك بحريه وياند له مخې د نېول چيف دا دوره به د دواړو هېوادونو او په خاص توګه د بحري ځواكونو ترمېنځه اړيكو ته لا وده وركړي۔
