اسلام آباد 01 دسمبر (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې ځوان كول قېمتي اثاثه او د روښانه سباٶن امېد دے، د دوي خوبونو ته تعبير وركول د وزيراعظم عمران خان مشن دے، بايد مونږ د ځوانانو او په خاص توګه د زده كوونكو د محنت، ديانتدارې او رښتيا په اصولو كردار سازي وكړو. هغې دا خبرې د اتوار په ورځ په خپل يو ټويټ كښې وكړې. د وزيراعظم خاص مرستيالې ووئيل چې د خپلو حقونو غوښتنه د زده كوونكو د زياتېدونكي شعور او فكر عكاسي ده كومه چې خوشبينه ده. هغې ووئيل چې ځوان كول قېمتي اثاثه او د روښانه سباٶن امېد دے، د دوي خوبونو ته تعبير وركول د وزيراعظم عمران خان مشن دے، بايد مونږ د ځوانانو او په خاص توګه د زده كوونكو د محنت، ديانتدارې او رښتيا په اصولو كردار سازي وكړو. د زده كوونكو د حقونو تحفظ او ستونزو حل كولو لپاره وزيراعظم وفاق او صوبو ته د جامع حكمت عملې مرتب كولو هدايات كړي دي. ډاكټر فردوس عاشق اعوان ووئيل چې زمونږ ځوانان د هر چېلنج د مقابلې كولو پوخ عزم لري.
