اسلام آباد۔23نومبر(اے پی پی) د ملي روغتيا نګران وفاقي وزير ډاكټر نديم جان سره د برتانیې د روغتیا وزیر انډریو سټیفن سن ملاقات وكړو۔ د زيارت په ورځ د روغتيا وزارت لخوا جاري شوي بيان له مخې د ملاقات په مهال ډاکټر نديم جان د برتانيې د صحت وزير ته په پاكستان كښی د راروان كال 2024 جنورۍ مياشتې په 10 مه او 11مه نېټه كېدونكې “ګلوبل هېلتھ سيكورټي سمټ” كښې د ګډون او د دې تاريخي سمټ د ګډې كوربتوب كولو بلنه وركړه په كومه چې انډريو سټيفن سن د خوشحالۍ څرګندونه او د قامي روغتيا وفاقي وزير مننه وكړه۔ وفاقي وزير ډاكټر نديم جان د برتانوي حكومت لخوا د روغتيا په بېلو څانګو كښې روانه مرسته وستائله۔ برطانوي وزير د نيوټرېشن حوالې سره د پاكستان دريځ ستائلو سره ووئيل د روغتيا په څانګه كښې په لويه كچه اصلاحات روان دي دغسې چې نه يوازې پاكستان بلكې د يوې محفوظې او صحت مندې نړۍ خوب ريښتيا كړې شي۔ وفاقي وزير ډاكټر نديم جان ووئيل چې د يونيورسل هيلتھ کوريج مضبوطول، فارما پارک جوړول، په لنډه موده کښي د 500 بنيادي صحت مرکزونو اپګريډيشن زمونږ اولنۍ ترجيح ده۔
