هري پور 06 اګست (اے پي پي) د توان او پېټروليم وفاقي وزير عمر ايوب خان وئيلي دي چې په هري پور كښې د اربونو روپې ريكارډ او تاريخي پرمختيائې چارې روانې دي۔ ده دا خبرې په يونين كونسل جټي پنډ كښې د يو سړك پرانستې دستورې ته د وېنا كولو په مهال وكړې۔ په دې موقع د مواصلاتو او ودانيو صوبائي وزير اكبر ايوب خان او نور اعلٰي چارواكي هم موجود وو۔ عمر ايوب خان ووئيل چې د برېښنا وزارت مو يو چېلنج ګڼلو سره قبول كړے۔ ده ووئيل چې نن نه يوازې د برېښنا د مسئلې په حل كښې كامياب شوي يو بلكې د 190 اربه روپو بچت مو هم كړے۔ ده ووئيل چې د ګاز په محكمه كښې مو هم 20 اربه روپې د غلو څخه ترلاسه كړې دي۔ ده ووئيل چې په هري پور كښې د اربونو روپې ريكارډ او تاريخي پرمختيائې چارې روانې دي
