اسلام آباد ۔ 3 اکتوبر (اے پی پی) مسئلہ کشمیر تے حکومت،فوج،سیاسی جماعتاں اتے عوام کٹھی ہن ،مسئلہ کوں اقوام متحدہ دی قرارداداں تے عملدرآمد کر تے حل کیتا ونج سگدے،کشمیریاں تے بھارتی ظلم و ستم عالمی معاہدیاں دی خلاف ورزی اے۔سوموار کوں اتھاں وزیر اعظم محمد نواز شریف دی صدارت اچ سیاسی اتے پارلیمانی جماعتاں دے رہنماواں دے اجلاس اچ پاکستان دی مسلح فوج دے شہیداں اتے مقبوضہ کشمیر دے شہیداں سانگے فاتحہ خوانی کیتی گئی ۔اجلاس دے بعد جاری تھیونڑ آلے سانجھے اعلامیہ اچ عزم کیتا گئیا جو مسئلہ کشمیر تے حکومت،فوج،سیاسی جماعتاں اتے عوام کٹھی ہن ،مسئلہ کوں اقوام متحدہ دی قرارداداں تے عملدرآمد کر تے حل کیتا ونج سگدے،کشمیریاں تے بھارتی ظلم و ستم عالمی معاہدیاں دی خلاف ورزی اے،بے گناہ کشمیریاں دے مسلسل قتل و غارت دی مذمت کریندوں جیڑھی جو انسانی حقوق اتے عالمی قوانین دی سنگین خلاف ورزی اے،لائن آف کنٹرول دے پاروں دہشت گردی دے بھارت دے الزامات کوں مسترد کریندوں،سارک فورم اچ شریک تھیونڑ توں انکار سمیت سارے ڈو پاسہ اتے کثیر الجہتی مذاکرات دی سارے سفارتی کوششاں کوں ناکام بنڑاونڑ دے بھارتی عزئم قابل افسوس ہن ۔بھارت ولوں کشمیر کوں اٹوٹ انگ آکھنڑ دے مضحکہ خیز دعویٰ کوں وی شرکاء مستر د کر ڈتا حالانکہ بھارت خود جموں تے کشمیر دے مسئلہ کوں سکیورٹی کونسل گھن گئیا ہئی جئیں اقوام متحدہ دے ڈو خود مختار ملکاں وچال ہک عالمی تنازعہ قرار ڈتا ہئی ۔اعلامیہ اچ آکھیا گئیا جو اساں بلوچستان اچ بھارت دے ثابت شدہ مداخلت دی مذمت کریندے ہیسے۔پاکستان کوں غیر مستحکم کرنڑ دی بھارتی کوشش دی مذمت کریندے ہیسے جئیں دا اعتراف ”را” دے ایجنٹ کلبھوشن یادیو وی کیتے جیڑھا جو بھارتی بحریہ دا حاضر سروس افسر ہئی ۔اعلامیہ اچ آکھیا گئیا جو بھارت ولں سندھ طاس معاہدے کوں یکطرفہ منسوخ کرنڑ دی کوششاں جارحیت تصورکیتی ویسن۔اعلامیہ اچ بھارت ولوں لائن آف کنٹرول دے پار سرجیکل سٹرائیک دے کوڑے دعویٰ کوں مسترد کریندیں ہوئیں آکھیا جو بھارت دا کوڑا دعویٰ مقبوضہ کشمیر اچ ظلم و ستم توں دنیا دی توجہ ہٹاونڑ دی کوشش اے۔اعلامیہ اچ آکھیا گئیا جو اساں کشمیری عوام دی حق خود ارادیت دی دلیرانہ جدوجہد اتے کمٹمنٹ دی تعریف کریندے ہیسے جیڑھی جو ہنڑ کئی نسلاں اچ منتقل تھی گئی اے۔اعلامیہ اچ بھارتی جارحیت دا منہ تروڑ جواب ڈیونڑ دی پاکستان مسلح فوج دی بہادارانہ اتے غیر متزلزل کمٹمنٹ دی تعریف کتی گئی ائی اتے مقبوضہ کشمیر اچ اوام متحدہ دے ہائی کمشنر برائے انسانی حقوق اتے او آئی سے دے مشن ولوں فیکٹ فائنڈنگ مشن بھیجنڑ دے فیصلیاں دا خیر مقدم کیتا گئیا۔
.jpg)