نیویارک ۔ 27 ستمبر (اے پی پی) خارجه وزير شاه محمود قرېشي وئيلي دي پاكستان د بې وزلۍ او بېروزګارۍ په مسئله قابو موندلو له هڅې كوي۔ د بې وزلۍ ختمولو له مو ”احساس پروګرام” جوړ كړې دې۔ دا خبره ده د ملګرو متونو د عمومي اسمبلۍ 74 مې غونډې په موقع د عمومي اسمبلۍ صدر تجانی محمد باندے سره د ملاقات په مهال خپلو خبرو كښې وكړه۔ خارجه وزير د كشمير په اړه ووئيل چې د 5 لسيزو څخه وروستو د اګست په 16 مه نېټه د كشمير په مسئله د ملګرو ملتونو په سلامتي كونسل كښې بحث شوې او مقبوضه جموں وکشمیر كښې د هندي ظلمونو او زياتي په اړه غږ په ښكاره توګه پورته كړې شوې۔ خارجه وزير ووئيل نن په مقبوضه جموں وكشمير كښې د كرفيو 53 مه ورځ ده۔ خلك روغتونونو ته تلې نه شي۔ تعليمي ادارې بندې دي۔ ده ووئيل مقبوضه كشمير كښې د زرګونو په شمېر كشمير وګړي زندانونو كښې ستونزو سره مخ دي۔ ده ووئيل كه هند په خپل دريځ كښې ريښتونې دې نو بيا نړيوالې ميډيا او د بشري حقونو تنظيمونو ته د مقبوضه كشمير دورې كولو اجازه ولې نه وركوي۔ ده ووئيل د هندي اپوزيشن پلاوې سري نګر ائيرپورټ څخه ولې بېرته لېږلې شي۔ خارجه وزير مخدوم شاه محمود قرېشي د عمومي اسمبلۍ صدر ته د پاكستان دورې كولو بلنه وركړه
