اسلام آباد – 28 – اپريل (اي پي پي) پرڏيهي معاملن واري مملڪتي وزير حنا رباني کر پرڏيهي وزارت ۾ هڪ اجلاس جي صدارت ڪئي جنهن ۾ جاپان کي پاڪستان مان افرادي قوت جي برآمد کي وڌائڻ تي ڌيان ڏنو ويو. پرڏيهي آفيس موجب اجلاس ۾ پرڏيهي وزارت، لاڳاپيل وزارتن ۽ جاپان ۾ پاڪستان جي سفارتخاني جي سينيئر عملدارن شرڪت ڪئي. اجلاس ۾ پاڪستان جي افرادي قوت کي وڌ کان وڌ وڌائڻ کي يقيني بڻائڻ جي لاءِ رڪاوٽن کي ختم ڪرڻ تي زور ڏنو ويو.
