اسلام آباد-03 جون (اي پي پي) سڌ سماءَ واري وفاقي وزير مريم اورنگزيب چيو آهي ته وزيراعظم شهباز شريف ترڪيه پهچي ويو آهي ۽ اڄ رجب طيب اردگان جي ٽئين صدارتي مدي جي حلف برداري واري تاريخي تقريب ۽ ترڪيه جي ڀائرن ۽ ڀينرن جي خوشي ۾ شريڪ ٿيندو. پنهنجي هڪ ٽوئيٽ ۾ سڌ سماءَ واري وزير چيو ته پاڪستان ۽ ترڪيه جي قيادت وچ ۾ ويجهي شراڪتداري ٻنهي برادر عوام جي وچ ۾ اخوت، محبت ۽ ڀائيچاري جي لازوال رشتن جي عڪاسي ڪري ٿو. جڏهن ته قائد محمد نواز شريف ۽ وزيراعظم شهباز شريف جي ترڪيه جي صدر اردگان سان ذاتي برادراڻن ناتن اخوت جي ان ٻنڌڻ کي وڌيڪ منفرد ۽ سگهارو بڻايو آهي.
