اسلام آباد 29 اکتوبر (اے پی پی) د اطلاعات او خپرونو وفاقي وزير چوهدري فواد حسېن وئيلي دې پاكستان او تركيه نزدې كلتوري٬ مذهبي او تاريخي اړيكې لري ٬ پاكستان كښې ميډيا ته بشپړه آزادي ترلاسه ده ٬د پاكستان 64 فيصده آبادي په ځوانانو مشتمله ده كومه چې د هېواد قېمتي اثاثه ده ٬ د وسله والو ځواكونو او قانون نافذ كوٶنكو ادارو د قربانيو په سوب پاكستان كښې امن بحال شوې۔ وفاقي وزير دا خبرې د تركيې د ميډيا پلاوي سره د ګل په ورځ د ملاقات په مهال كړې۔ په دې موقع وفاقي وزير ووئيل پاكستان يو جديد جمهوري رياست دے چرته چې ميډيا ته بشپړه آزادي ترلاسه ده او د ټولنې د نګرانۍ كردار ترسره كوي ۔ ده ووئيل پاكستان د خپلو سېلګرۍ ځايونو په سوب هم پېژندلې كېږي او پاكستان كښې سېلګرو لپاره زړه راښكونكې او ښكلې ځايونه شته ٬ ده ووئېل پاكستان سېلګرو له بلنه وركوي چې ھغوي د شمالي سيمو د سېل ښائسته ځايونو نظاره وكړي۔ ده ووئيل پاكستان او تركيه نزدې كلتوري٬ مذهبي او تاريخي اړيكې لري او د دوي شريكې اړېكې د ورورلۍ او د اولسونو تر مينځه د رابطو په بنياد قائمې دې۔ د اطلاعات وزير ووئيل د دواړو هېوادونو اړېكې د وړومبي لوي جنګ راهسې قائمې دې كله چې تركيې د خپلې آزادۍ جنګ كولو او د نيمې وچې مسلمانانو د تركيې د تحريك خلافت په مهال د عثماني رياست بحالۍ له مرسته كړې وه۔ د يوې پوښتنې په ځواب وفاقي وزير ووئيل د تحريك انصاف په اقتدار كښې راتلل په اصل كښې د پاكستان د مېنځنۍ طبقې او د ځوانانو انقلاب ٶ۔ ده زياته كړه چې زمونږ 64 فيصده آبادي په ځوانانو مشتمله ده كومه چې په حقيقت كښې د هېواد قېمتي اثاثه ده۔ فواد چوهدري ووئيل حكومت د خپل ګوند منشور له مخې د بدعنوانۍ د خاتمې عزم لري او د ګورننس په معاملو كښې سپېځلتيا باوري كولو لپاره به ټول ممكنه اقدامات كوي۔ ده ووئيل عمران خان د 22 كالو اوږدو هلو ځلو نه پس د پاکستان وزیراعظم ټاكلې شوې چا چې د هېواد مېنځنۍ طقبه او ځوانان متاثره كړې او څوك چې د بدعنوانۍ او سټېټس كو د خاتمې په ضد دوي سره لاړ دي۔ ده ووئيل پاكستان د ترهګرۍ په ضد لازواله قربانۍ وركړې چې كرېډټ ئې زمونږ د وسله والو ځواكونو ځوانانو٬ افسرانو ٬ پوليس او امنيتي ځواكونو په غاړه دے ۔ ده
