انقرہ ۔ 4 جنوری (اے پی پی) وزیراعظم عمران خان پاكستان كښې په زياتېدونكې ترك سرمايه كارۍ د اطمينان څرګندونه كولو سره د پاك تركيه د ورورولۍ ځانګړې اړيكې فعاله اقتصادي شريكوالۍ له د كارولو په حاجت زور راوړلې دې۔ ده دا خبره د جمعې په ورځ د تركيه نوموړو كاروباري شخصياتو او سرمايه كارو سره د ملاقات په مهال وكړه۔ د تركيه د خارجه اقتصادي اړيكو بورډ پاک۔ ترک بزنس کونسل ترسېوري لاندې دې غونډه كښې نزدې 20 نوموړو سرمايه كارو ګډون وكړو د كومو چې يو شمېر منصوبې پاكستان كښې روانې دي۔ وزیراعظم ترک سرمایه كارو ته باور وركړو چې حكومت به دوئي ته ټولې ممكنه اسانۍ وركوي او دوئي سره به مرسته كوي۔ د ياد شوي بورډ صدر نیل اولپاک او د پاک۔ترک بزنس کونسل چیئرمېن عطاء اﷲ یرلیکایا پاکستان كښې په ترك سرمايه كارۍ رڼا واچوله۔ ترک سی ای اوز د خپلو كاروباري هلو ځلو او د سباؤن منصوبو په اړه ووئيل۔ وزيراعظم عمران خان ووئيل پاكستان بلها معدني پنګې لرونكې هېواد دے چرته چې لوستې افرادي قوت هم موجود دے۔ د پاكستان سرمايه كاري دوست پالېسي ترك سرمايه كارو له مثالي موقعې وړاندې كوي۔ کاروبار كښې آسانيو او ددې لا ښه كولو له هېواد كښې پرله پسې هڅې روانې دي۔ لیماک کنسټرکشن، کوکا کولا بیوریجز، هیول سان، حیات کیمیا، ارشلک دولسر، ټی جی اېل ټرانسټس ګلوبل لاجسټکس، زورلو انرجی، اورا کنسټرکشن، بېنک الحبیب او د تم ایکپ فارما سی ای اوز او نورو مشرانو چارواكو غونډه كښې ګډون وكړو۔ د پاكستان لخوا خارجه وزير شاه محمود قرېشي ٬ د خزانې وفاقي وزير اسد عمر ٬ د منصوبه بندۍ وفاقي وزير مخدوم خسرو بختیار، تجارت لپاره د وزيراعظم صلاكار عبدالرزاق داؤد، سمندرې پورې پاكستانيانو لپاره د وزيراعظم خاص مرستيال ذوالفقار بخاری، خارجه سېكتره تهمينه جنجوعه ٬ تركيه كښې د پاكستان سفير محمد سائرس سجاد قاضي او استنبول كښې د پاكستان قونصلر جنرل بلال خان پاشا هم ملاقات كښې موجود وو۔
