اسلام آباد 21 مارچ (اے پی پی)اولس مشر ډاكټر عارف علوي وئېلي دي په وګړو كښې د صحت او صفائي پېغام عام كولو له به د سكولونو٬جوماتونو او مېډيا كردار زياتول وي٬نوې پاكستان به په هغه صورت جوړېږي كله چې ټول په ګډه په هر اعتبار سره راوړاندې شوو ۔ده د زيارت په ورځ پراكټر اينډ ګيمبل(پي اېنډ جي) د پاكستان حكومت پاك او شين پاكستان پروګرام كښې د شموليت په اړه دستورې ته وېنا كوله۔په دې موقع د موسمي بدلون دوهمې وزيرې زرتاج ګل هم خطاب وكړو۔پھ دستوره كښې د پي اېنډ جي پاكستان او د موسمي بدلون وزارت ترمينځه د پاك او شين پاكستان پروګرام په لړ كښې شراكتدارۍ لپاره په اېم او يو لاس ليك هم وشو۔اولس مشر په خپل خطاب كښې د صحت او صفائۍ په اهميت زور راوړولو سره ووئيل اختياط او پرهېز د درملنې څخه بهتر دے ځكه چې عام رنځونه 46 فيصده پھ داسې ناروغو مشتمل دي چې ورسره صفائي د هغې مخ نيوې كولې شې دغسې په بوتل كښې بندې اوبه هم په ماحول يو بوج دے ۔ده ووئيل صفائي ضروري او زمونږ د ايمان برخه ده٬د هغې ثبوت دا دے چې زمونږ پیغمبر په عربو كښې د اوبو د كمي باوجود په صفائۍ زيات زور راوړې٬زمونږ تاريخ ښه دے٬مونږ له به د صحت او صفائۍ لپاره شعور عام كول وي٬ ده ووئېل په دې لړ كښې د سكولونو په نصاب نظرثاني كولو سره په ماشومانو كښې د دې اهميت زياتول پكار دي۔اولس مشر ووئيل په دې اړه په سكولونو كښې بدلون هم يو مهم پيلټ فارم ثابتېدې شي او دغسې د صحت صفائۍ او د مېرمنو حقونو لپاره د جوماتونو منبر څخه پیغام عام كولو ته هم اړتيا ده ٬ بايد مينر د سماجي بدلون په عمل كښې برخه واخلي٬ ده ووئېل اسلامي نظرياتي كونسل ته به په دې اړه خط ليكلې شي۔ده ووئيل د دې پېغامونو عام كولو له د مېډيا كردار هم مهم دے۔ اولس مشر ووئېل مونږ ټولو له به په ګډه نوې پاكستان جوړول وي۔ده ووئيل پاك او شين پاكستان پروګرام يوه ښه منصوبه ده۔سركاري او نجي څانګې دې په ګډه دا كامياب كړي۔په دې موقع دوهمې وزيرې زرتاج ګل ووئيل نننۍ دا دستوره د ځنګلو نړيوالو ورځې په اړه مهمه ده٬په دې موقع د موسمي بدلون وزارت او پي اېنډ جي پاكستان ترمينځه يو اېم او يو مثبت پېشرف دے۔دې ووئيل وزيراعظم عمران خان وړومبې لارښود دے چا چې د سكولونو څخه بهر 2 كروړه 25 لكه ماشومانو له تعليم وركولو٬د اونو نالولو٬د ماشومانو د صحت او د ځوانانو خبره كړې۔دې ووئيل په دې اړه به د ماشومانو تعليم او تربيې ته پام لرنه كولې شي٬نجي او سركاري څانګې له به په ګډه په دې قابو موندل وي۔
