کوهاټ 10 اپریل (اے پی پی) کوهاټ ګیریژن كښې د سبرلي جشن 2019ء پيل شوې۔ د كورنيو چارو دوهم وزير شهریار آفریدی د خاص ميلمه پھ حيث د جشن پرانستې دستوره كښې ګډون وكړو۔ اسلام آباد څخه د 14 هېوادونو سفيران هم د كورنيو چارو دوهم وزير سره کوهاټ ته تللې دي۔ په هغې كښې د ترکیې، سعودی عرب، اټاليې ، مصر، سری لنکا، یمن، مراکش، مالدیپ، بنګله دېش، افغانستان، بحرین، انډونيزيا ، آذربائیجان او ایران سفیران شامل وؤ۔د پاك پوځ اعلیٰ افسرانو د پلاوي هركلې وكړو۔ دوهم وزير او سفیرانو د شهيدانو په يادګار د ګلونو څادر هم وغوړولو۔
