اسلام آباد 16 اګست (اے پي پي) صدر مملکت ډاکټرعارف علوي د رنځونو مخنيوي په لړ كښې د اولسي شعور بېدارولو كمپائن او ځوانانو ته د ابتدائي طبي مرستې تربيې وركولو په حاجت زور رواړولو سره وئيلي دي چې رنځونو څخه بچ كېدو لپاره احتياطي تدبيرونه ضروري دي٬ د قامونو پرمختګ لپاره تعليم او صحت بنيادي ستنې دي۔ د دې خيالاتو څرګندونه ده د شورو په ورځ د مېډ هېلته اېكسپو او سمټ پرانستې دستورې ته خپله وېنا كښې وكړه چې اهتمام يۍ پېنډي چېمبر آف كامرس اېنډ انډسټري (آر سي سي آئي) كړې ٶ۔ صدر مملکت په دې خبره زور رواړو چې د طب څانګې سره تړون لرونكې دې اخلاقيات او انساني اقدار تر نظر لاندې وساتي٬ د غذائيت په کمي او په ذهني او جسماني كمزورۍ قابو موندلو لپاره اقدامات هم ضروري دي۔ ده ووئيل چې مصنوعي ذهانت (اے آئي) سره په ميډيکل سائنس كښې بلها بدلونونه رامخې ته كېږي ٬ عصري آلات او ټېکنالوجي خپلولو سره سره په رويو كښې به بدلون راوستل او ريسرچ او ډوېلپمنټ ته پام ګرځول وي۔ ده ووئيل د قدرتي افتونو په مهال اولس همدردۍ كار خواخوږۍ سره كړې٬ د كرونا وباء په مهال پاكستان مثالي كردار ترسره كړې۔ ډاکټرعارف علوي ووئيل پاکستان لپاره په افريقائي ماركيټ كښې بې شمېره موقعې موجود دي٬ مصنوعي ذهانت او ټېكنالوجۍ كښې زمونږ اپروچ مناسب نه دے٬ د پرېكړو كولو غلطۍ او د كرپشن په څير مسئلې رامخې ته دي۔ ډاکټر عارف علوي ووئيل د هېواد آبادي تندۍ سره مخ په زياتېدو ده دې لپاره اقداماتو ته اړتيا ده۔ ده ووئيل فارما صنعت له به د هېواد زياتېدونكې آبادۍ لاره نيولو لپاره د خانداني منصوبه بندۍ مصنوعات تيارول وي۔ ده ووئيل د صحت څانګې بهترۍ لپاره چېمبر ښه كار كوي۔ ده زياته كړه چې نيشنل ډيزاسټر مينجمنټ اتھارټي، هلال احمر، ګرل ګائيډز او بوائے سکائوټس له به په تعليمي ادارو كښې زده كوونكو ته د ابتدائي طبي مرستې تربيې وركولو اهتمام كول وي۔ د دې نه وړاندې د مېډ هېلته ايکسپو چيئرمين عثمان شوکت، د پېنډۍ چيمبر آف کامرس اينډ انډسټري صدر ثاقب رفيق او د آر سي سي آئي ګروپ ليډر سهېل الطاف هم دستورې ته وېنا وكړه
