اسلام آباد – 28 – اپريل (اي پي پي) اطلاعات ۽ نشريات واري وفاقي وزير مريم اورنگزيب پاڪ فضائيه جي پاس آئوٽ ٿيندڙ آفيسرن، انهن جي والدين ۽ استادن کي مبارڪباد ڏيندي چيو آهي ته پاڪ سرزمين جي فضائي سرحدن جي نگهبانن ۾ نئين دستن جو اضافو خوبصورت مرحلو آهي. پنهنجي ٽوئيٽ ۾ هن چيو ته پاڪ سرزمين جي فضائي سرحدن جا نگهبان، پاڪ فضائيه جي شاهينن جي صفن ۾ تربيت يافته نئين دستن جي شموليت ۽ وطن جي دفاع جي ذميواري اڳئين نسل کي منتقل ٿيڻ جو خوبصورت مرحلو هوندو آهي. رسالپور اڪيڊمي هڪ قابل فخر تاريخي درسگاهه آهي. پاس آئوٽ ٿيندڙ آفيسرن، انهن جي والدين، استادن ۽ پاڪستان کي مبارڪباد هجي.
