اسلام آباد – 03 – مئي (اي پي پي) وزيراعظم محمد شهباز شريف چيو آهي ته هلندڙ سال ڪڻڪ جي ڀرپور پيداوار جو فائدو آبادگارن تائين پهچائڻ جي لاءِ عملي قدم کڻڻا پوندا. اهڙن خيالن جو اظهار هن پنجاب جي نگران وڏي وزير سيد محسن رضا نقوي سان ڳالهائيندي ڪيو جنهن ساڻس ملاقات ڪئي. ملاقات ۾ صوبي ۾ مجموعي امن امان جي صورتحال ۽ ٻين گڏيل دلچسپي جي معاملن تي خيالن جي ڏي وٺ ڪئي وئي. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف ڪڻڪ جي ڀرپور پيداوار ٿيڻ تي اطمينان جو اظهار ڪيو. پنجاب جي نگران وڏي وزير حڪومت پاران ڪڻڪ جي خريداري بابت وزيراعظم کي آگاهه ڪيو. وزيراعظم چيو ته هلندڙ سال ڪڻڪجي ڀرپور پيداوار جو فائدو آبادگارن پهچائڻ جي لاءِ عملي قدم کڻڻا پوندا.
