اسلام آباد – 01 – مئي (اي پي پي) وزيراعظم محمد شهباز شريف ترڪيه پاران ٽي ايف – ايڪس حرجيٽ اتڪ 2 هيليڪاپٽر جي لانچنگ تي صدر رجب طيب اردوان کي مبارڪباد ڏني. پنهنجي ٽوئيٽ ۾ هن چيو ته اها ڀائر ملڪ ترڪيه جي ملڪي سطح تي هڪ وڏي ڪاميابي آهي. ان ڪاميابي جو سهرو رجب طيب اردوان جي قيادت ڏانهن وڃي ٿو. هن ترڪيه جي دفاعي صنعتڪاري ۽ ترڪيه جي وڌيڪ ڪاميابي جي لاءِ نيڪ خواهشن جو اظهار ڪيو. هن چيو ته انقره ۾ ترڪ صدر رجب طيب اردوان جي صحتيابي کانپوءِ آجياڻي واري تقريب تمام متاثر ڪندڙ هئي.
