اسلام آباد – 08 جون (اي پي پي) هلندڙ مالي سال دوران پاڪستان انٽرنيشنل ايئر لائن (پي آءِ اي) جي آپريٽنگ روينيو ۾ 99.6 سيڪڙو اضافو ٿيو آهي ۽ پي آءِ اي جي ٻيڙي ۾ هن وقت جهازن جو انگ 35 آهي. ناڻي ۽ محصولن واري ڊويزن طرفان جاري ڪيل هلندڙ مالي سال 23 -2022ع جي اقتصادي سروي موجب پي آءِ اي وٽ هن وقت 35 جهاز آهن، هلندڙ مالي سال جولاءِ 2022ع کان جون 2023ع دوران پي آءِ اي جي آپريٽنگ روينيو ۾ 99.6 سيڪڙو جو اضافو ٿيو آهي. هي روينيو سال 2021ع دوران 86185 ملين روپين جي مقابلي ۾ 172،038 ملين روپين تائين پهچي ويو آهي. ان عرصي دوران آپريٽنگ خرچن ۾ 81.2 سيڪڙو جو اضافو رڪارڊ ٿيو آهي.
