اسلام آباد 12 نومبر (اے پی پی) د تعليم او وظيفائي تربيې وفاقي وزير شفقت محمود وئېلي دي د تعليم يو ډول نظام او نصاب ته مونږ پام لرنه كوو ٬يو ډول نصاب لپاره به نصاب كونسل تشكيل كولې شي٬د سكولونو نه بهر د دوه نيم كروړه ماشومانو پھ سكولونو كښې داخله باوري كولو لپاره حكمت عملي جوړولې شي٬وزيراعظم ته به خواست كوو چې تعليمي رضا كار پروګرام پیل كړي۔د ګل په ورځ د تعليم د صوبائي وزيرانو د كنفرنس نه پس خبري كنفرنس ته په خپله وېنا كښې وفاقي وزير ووئيل بايد تعليم ته د سياست نه پرته وكتلې شي او زه خوشحاله يم چې د هېواد د ټولو صوبو نمائندګي په دې غونډه كښې موجود وه او تعليم ته خاص پام كوي۔ده ووئيل د تعليم په اړه ډېرې معاملې رامخې ته دي او په دې لړ كښې د صوبو او وفاق ترمينځه همغږي ده۔دا خوشبينه خبره ده۔ده ووئيل مونږ د سكولونو نه بهر د ماشومانو يو لويې چېلنج سره مخ يو٬زمونږ په هېواد كښې دوه نيم كروړه ماشومان د سكولونو نه بهر دي۔پھ دې كښې هغه ماشومان هم شامل دي كوم چې كله سكول ته نه دي تللي او داسې هم دي چې سكول ته تللي خو د بېلا بېلو وجوهاتو له امله يې سكول پرېښي۔شفقت محمود ووئيل زمونږ په هېواد كښې پھ دې وخت كښې د تعليم درې قسمه تعليمي نصاب وجود لرې يو هغه نصاب كوم چې په سركاري سكولونو كښې لوستل كېږي٬دوهم د نجي سكولونو او مدرسې لا خپل جلا نصاب لري۔ده ووئيل د يو ډول نصاب ضرورت دې٬دې لپاره به نصاب كونسل تشكيل كولې شي۔په دې موقع د ټولو صوبو سندھ٬بلوچستان٬پنجاب٬خېبرپښتونخوا٬ګلګت بلتستان او د آزاد كشمير د تعليم وزيران٬د تعليم سېكتران او نور اعلٰی چارواكي هم موجود وو كومو چې د دې څخه وړاندې د تعليم وزيرانو پھ كنفرنس كښې ګډون وكړو او په بېلا بېلو چارو يې غور وكړو
