تربېلا 24 نومبر (اے پي پي) د پوځ سرلښكر جنرال قمر جاوېد باجوہ د سپېشل سروسز ګروپ (اېس اېس جي) د مركزي دفتر دوره كړې او د كرنل كمانډنټ په ځائ كولو دستوره كښې ئې ګډون كړې۔ د آئي اېس پي آر له مخې د جاري شوي بيان له مخې د اېس اېس جي مركزي دفتر ته رسېدو د پوځ سرلښكر د شهيدانو په يادګار حاضري وكړه او د ګلونو څادر ئې خپور كړو۔ مېجر جنرال عابد رفیق د اېس اېس جي وړومبې كرنل كمانډنټ غوره كړې شوې۔ د دستورې نه پس ګډون كوٶنكو چې پكښې حاضر سروس او ريټائر افسران هم شامل وو ته خپلې وېنا كښې د پوځ سرلښكر د اېس اېس جي بې مثال كردار او په خاص توګه د ترهګرۍ په ضد جنګ كښې د قربانيو ستائنه وكړه۔ سرلښكر ووئيل اېس اېس جي د نړۍ غوره او خاص فورس دے او دا دوي د خپلې وظيفائي كاركردګۍ او د خپلو قېمتي ځانونو په عظيمو قربانيو ثابته كړې ده
