اسلام آباد 17 نومبر (اے پي پي) د پاك بحريه او رائل بحرېن ډيفنس فورس د سپېشل سروس ګروپس شريك مشق شاهين الجزيرهه 2019 پاې ته ورسېدو۔ د اتوار په ورځ د پاك بحريه وياند لخوا جاري شوي بيان له مخې دريالسم كلن بحري مشق شاهين الجزيره په كراچې او پراخه سمندر كښې تر لسو ورځو روان و۔ په مشق كښې د پاك بحريه بحري بېړو٬ سي كنګ چورلكو او سپېشل فورسز بوټس برخه واخسته۔ د مشق په وروستې ورځ دواړو ځواكونو په بحيره عرب كښې د ترهګرې د مخ نيوي د عملياتو كاميابه مظاهره وكړه۔ مشق شاهين الجزيره د پاكستان او د بحرېن ځواكونو ترمېنځه د قوي عسكري اړيكو عكاس دے۔
