اسلام آباد۔19ستمبر (اے پی پی) صدر مملكت ډاکټر عارف علوي د بې روزګارۍ، په ټولنه کښې د فشار کچې لوړېدلو، خصوصي وګړو لپاره فرصتونو ته رسېدل ښه كولو او په كاروبار او روزګار كښې د مېرمنو د ګډون سوا كولو په څير ننګونو مخنيوي له د اجتماعي هڅو په ضرورت زور راوړے دے۔ ده د کراچي چېمبر آف كامرس اېنډ انډسټري (كے سي سي آئي) يو پلاوي سره په ملاقات كښې په هېواد كښې په سماجي او اقتصادي ننګونو قابو موندلو له په رضاكارانه خذمات كښې د چېمبرز ٬ بېنكنګ سېكټر او د سول سوسائټۍ فعاله شموليت په اهميت ټينګار وكړو۔ د نهې په ورځ د ايوان صدر لخوا د جاري شوي يو پرېس ريليز لمخې صدر مملكت په دې خبره هم زور راوړو چې سوداګرې ټولنې له به سماجي څانګې مخ په وړاندې بوتللو او د حاجتمندو مرسته كولو سره د خپلې كارپورټ سماجي ذمه وارۍ ترسره كول وي۔ ده د یوې ګڼ اړخیزې ټولنې په رامنځته کولو هم ټینګار وکړ دغسې چې سماجي او اقتصادي فعاليتونو كښې د مېرمنو ګډون په فعاله توګه وده ومومي۔ صدر مملكت ښځو لپاره د بانکي حسابونو په پرانیستلو او د مالياتي راکړو ورکړو د اسانتیا په برخه کښې د آئي ټي مثبت اثرات تسليم كړل۔ هغه ښځو لپاره د مناسب چاپېریال په برابرولو کښې د سوداګرې ټولنې پر رول ټینګار وکړ۔ ده له چیمبر څخه وغوښتل چې په صنعت کښې 20 څخه تر 25 فيصده میرمنو لپاره د ملازمت فرصتونه برابرولو له فاسټ ټرېك مېكنزم تيار كړي۔
