اسلام آباد۔1جنوری (اے پی پی)د اطلاعات٬ خپرونو او پارلماني چارو نګران وفاقي وزير مرتضیٰ سولنګي وئېلي دي د پاکستان او چین دوستي يواځې تر نعرو محدود نه ده ، د دواړو هېوادونو د اړېكو سباؤن ډېر روښانه دے، د صدر شي د ڼړيوالې ترقۍ نظریه نړۍ مني، صدر شي عمر له د انسانیت لازواله اصولو له وده وركړې ده ۔ ده د ګل په ورځ د نوي كال په پېل د چائنه ریډیو انټرنیشنل سره خپله خاص مركه كښې د عوامي جمهوریه چین اولس له د نوي كال په راتللو مبارکي وركولو سره ووئېل د پاکستان او چین اړېكې عمر له سدا بهار پاتې شوي، چې كوم هم حکومت وي يا موسم د چین پاکستان اړيكې سپرلي خيزه پاتې شوي او بيا به هم وي ۔ ده ووئېل د عوامي جمهوریه چین صدر شي جن پنګ د نوي كال د پیغام هر كلے كوم هغه عمر له د انسانیت لازواله اصولو له وده وركړې ده ۔ ده ووئېل د كله نه چې د چین پاکستان اقتصادي راهدارۍ منصوبه پېل شوې د پاکستان او چین اړېكې نوي دور ته داخلې شوي ۔ دغسې د دواړو هېوادونو تر مينځه مرستې او تجارت ته وده تر لاسه شوې۔ ده ووئېل سي پیک د پاکستان په پرمختګ كښې مهم کردار ادا کړے په كوم چې د چین د اولس او د مشر تابه مننه كوو ۔ د يوې پوښتنې په ځواب كښې ده ووئېل د صدر شي جن پنګ د ترقۍ نظریه د كومې جزیرې د ترقۍ نه ده بلکې دا يوه نړيواله نظریه ده چې كوم هېواد د نړۍ نه ځانله پرمختګ نشي كولے ، دا نشي كېدې چې يو هېواد شتمند شي او نوره نړۍ ترقي پذیر پاتي شي، پرمختګ په ګډه ممكن دے۔ ده ووئېل د ترقۍ مېوې او ګټه هله رارسيږي چې ترقي محدود پاتي نشي ۔ مرتضیٰ سولنګي ووئېل د چین بیلټ اینډ روډ اني شي ایټو د پرمختګ يوه نوې نظریه راپېدا كړې د كومې چې نړۍ قدر كوي ۔ د يوې پوښتنې په ځواب كښې ده ووئېل د صدر شي جن پنګ او د چین نظریه د نړۍ ډېرو هېوادونو قبوله كړې ، د افریقه د ډېرو هېوادونو سره د چین مرسته روانه ده، زمونږ په سيمه سوئېلي ختيزې اسيا كښې هم د عالمګیریت تر مخه د ترقۍ دا نظریه وده مومي۔ ده ووئېل د مينځنۍ ختېزې اسیا ډېر هېوادونه د وړاندې نه د بیلټ اینډ روډ اني شي ایټو په منصوبو عمل کوي او دغسې په اروپاﺀ كښې هم خپل نوم جوړوي۔ د وخت تېرېدو سره سره به د صدر شي جن پنګ د عالمګیریت تر مخه نظریه لا وده ومومي۔ د يوې پوښَتنې په ځواب كښې ده ووئېل چې كله سي پیک شروع شو نو زياتره پام لرنه د توان او انفراسټرکچر منصوبو ته وه ، دا كال د سي پيك ترمخه ډېرو ڼوو څانګو باندې كار روان دے ۔ ده ووئېل انفارمیشن ټیکنالوجي ، مائننګ، خاص اقتصادي زونز، كر كېلې، ایګرو بیسډ انډسټري او د سېلګرۍ څانګو كښې مرسته لا زياتېږي ، ۔
